وردتني رسالة من أحمد قال فيها:
“لأنك صاحبي
أتمنى أن تشجع الهلال لتنسى همومك، إنها ليست ديانة”..
وهذا ردي على رسالتك يا أحمد..
طالع فالسماء للهلال
وشجع نادي الهلال
لعيبه ما عليها محال
تجيب الكأس والدوري
***
قاله وردده أحمد
وزاد الهرج به وأزبد
تعالوا لعشقي الأوحد
وخلوا الأصفر يغبر
***
ولكن ما حزرت وشفت
كبر عشقه معاي وعشت
لا مالبورو ولاهو كنت
أنا من حبه أتنفس
***
صبرنا ومرت العَشرة
وما هانت بنا العِشرة
نحبه وعالي قدره
لين نحطه في قبره
***
هذا العالمي يا زين
سحره غطي شوف العين
ذهب ما يصدي بس غبره
مصير تزيلها الأيام
***
عرفت ليش الهوا أصفر
وعلى زلاتهم أصبر
لأنه عشق بالفطرة
وغيري عشقه يوم وراح
صفر 1430 – فبراير 2009
خل عنك.. والله انكم أوفى جمهور..
ياليت عيالي نصراوية عشان أضمن وفاءهم وبرهم مهما كنت فاشل.
أليمة يا عبدالعزيز..
حرام عليك..
صح لسانك أخوي محمد
ياشيخ أحمد وش فيك ع محمد فرحان بالهلال اللي دايم يلعب معه الحظ
النصر عشق محمد الأول والأخير
محمد شجع النصر وأنا معك ولا يهمك أي هلالي …
* الله يعين على هالهلاليين يعني سهيل في البيت وأحمد عندك في العمل ..
الله يهديهم
إن شاء الله الفوز يوم الجمعه للشباب
هذا جمهور العالمي زي ما عودنا يوقف مع ناديه في الحلوة والمرة
تحياتي ابو سطام
والله كنت بسوي فيك خير
العمر مش بعزئة على قولة المصريين 😀
ياخي مابقى كثر اللي راح في عمر الشباب .. وش لك بوجع الراس والقلق .. كنت بسوي فيك خير بس مااااش .. الظاهر ودك تعيش على الهم والقلق .. براحتك 🙂
يعني انتم وين لاقينها .. لا المنتخب يفوز وينجح ولا الفريق يفوز وينجح
شف هالاسبوع كيف مر على الهلاليين .. عشيات وتمشيات ووناسة
والله أنا قصدتها In A Good Way بس يمكن الحروف خانتني..
والله أنا معجب ومتعجب، يعني هذا سر من عند رب العالمين.
الإتي “قالوا” ان الناس تشجعه عشان الفلوس، والهلال “قالوا” للجبناء اللي يحبوا يلعبوا عالمضمون، و”قالوا” و”قالوا” <<< لاحظ “قالوا” يعني مو أنا قلت
بس أنا “أقول” مشجعي النصر أوفى مشجعين، وعلى فكرة أخوي محمد نصراوي متعصب وولده عبدالكريم هلالي متعصب كمان.. معناته انو في أمل للتعايش.. وباطلق أنا اليوم مبادرة للسلام بين الهلال والنصر وباسميها “مبادرة الزعيم العالمي”.
تحياتي أبو حميد وإياك تزعل من حبايبك.
وش دعوة أبو العز..
هذا نقاش أخوي ما فيه زعل..
بس لا تقول مبادرة سلام لا تصير زي فلسطين..